بریټانوۍ ګارډين ورځپاڼۍ په خپل راپور کې ویلي،له افغانستانه د بهرنیو ځواکونو د وتلو له پیل سره سم جګړو زور اخیستی او د سولې، اوربند او د ګډ واک په اړه هېڅ هوکړه نشته.
ګارډین ورځپاڼې لیکلي،امریکا پرته له دې،چې د افغانانو راتلونکې ته پام وکړي او دا چې څه به پېښېږي، د خپلو ځواکونو د وتلو هرکلی کوي.
راپور کې راغلي، د افغانستان راتلونکې روښانه نه ده او عام خلک د خپل برخلیک په اړه په هېڅ هم نه پوهېږي.
که څه هم ناټو په دې وروستیو کې د افغان ځواکونو ملاتړ او تمویل ژمنه کړې، خو په راپور کې د کارپوهانو له قوله ویل شوي، د ناټو دا ډول څرګندونې یو ډول په شاتګ دی.
