Skip to content
د افغانستان اسلامي امارت د کډوالو او بېرته راستنېدونکو چارو وزارت له لوري په خپور شوي یوه راپور کې ویل شوي، چې په تېره یوه اوونۍ کې په سلګونه کډوال له پاکستانه هېواد ته راستانه شوي دي.
راپور کې وړاندې ویل شوي،چې په دغو کډوالو کې ځینې په خپله خوښه او ځينې په زور را استول شوي دي.
اخوا په تیره یوه میاشت کې له ګاونډي هېواد ایران هم سلګونه کډوال بېرته هېواد ته را استول شوي دي.
د کډوالو او بیرته راستنیدوونکو چارو وزارت وايي، د افغان کډوالو په تړاو څلور اړخیزه ناسته کوي.
د دغې ناستې ګډونوال به د افغانستان، پاکستان، ایران او ملګروملتونو استازي وي.
کډوالو چارو وزارت وايي،د ناستې موخه دا ده،چې په ګاونډیو هېوادونو کې د افغان کډوالو وضعیت وڅيړل شي او ستونزو ته یې حل لار وموندل شي.
