افغان ځواکونه وايي که پاکستاني ځواکونه وړاندې راشې نو سرونه تري قلم کوي.
ډیورنډ فرضي کرښه کې افغان ځواکونه وايي، ښه تجهز دي او په کلکه له ډیورنډ ګرښې ساتنه کوي.
د کونړ دانګام ولسوالۍ کې سرحدي ځواکونه وايي، تجهیزات، اعاشه او نورې اړتیاوط يې په وخت حلېږي، خو لویه ستونزه يې امنیتې پوستو ته خراب سړکونو دي.
د کونړ دانګام کې د شمشاد خبریال محمدزمان سهیل د پوله ساتو ځواکونو هغې پوستې ته هم ورغلی؛ چې له ډیورنډ کرښې څخه په ۶ کیلو مترۍ کې پرته ده دغو پوستو ته ورتګ له خورا ستونزو او کړاونو ډک دی .
د افغان سرحدې ځواکونو په خبره؛ چې شاو خوا ۶ کیلو وړاندې د همدې غرونو پر سر له پاکستان سره د ډیورنډ فرضي کرښي صفري نطقه ده.
دوی وايي، هم ښه تجهیز دي او هم يې خوراکي توکې په خپل وخت ورسېږي، نو ځکه خو د کرښې ساتنې ته کلک ولاړ دي.
دلته ځای په ځای شوي ځواکونه د څښاک اوبو ستونزه لري، او ډیری وخت ناپاکې اوبه د دوی صحت زیانمنوي چې په ډول ډول ناروغیو اخته کېږي.
دا ځواکونه وايي، پوستې ته را ختلی سرک يې خراب دی او غوښتنه کوي، چې که ورغول شي نو اکمالات به يې لا اسانه شي.
دا سرتیري وايي، په پوره مېړانه د خاورې او خلکو د ساتنې لپاره یې د پوځ لیکو کې دنده پیل کړې خو ځینې وخت یې معاشونه په میاشتو میاشتو ځنډول کېږي چې کورنۍ یې له هټۍ والو په پور سوداوې کوي.
سرتیري وايي، دې سیمه کې پاکستان وړاندی نه دی راغلی خو د شپې په تیارو کې يې په ډيرو ځایونو اغزن تار لګولی، خو وايې دوی د لوړو چارواکو امر سره سم عمل کوي او پاکستاني ځواکونو ته به غاښ ماتونکی ځواب ورکړي.
