کورنیو چارو وزارت سرپرست هېوادوالو ته د اختر په شپو ورځو کې د ډاډمن امنیت ډاډ ورکړی

د کورنیو چارو وزارت سرپرست سراج الدین حقاني د کوچني اختر په مناسبت په خپل پیغام کې د اختر په شپو او ورځو کې په ټول هېواد کې د سراسري امنیت ډاډ ورکړی دی.

حقاني له هېوادوالو غوښتي دي،چې په هېواد کې د امنيت په ټينګښت کې له امنيتي ځواکونو سره همکاري وکړي او له هوایي ډزو، د پټاقیو په څېر له نورو مخشوشوونکو چارو لاس پرسر شي.

د کورنیو چارو وزارت ویاند بیا وايي، هېوادوال باید د امنیتي وضعیت د ښه والي لپاره له پولیسو سره همکاري وکړي.

له دې سره سم د اسلامي امارت مشرتابه په یوه پیغام کې د امنیتي بنسټونو مسوولینو ته لارښوونه کړې،چې له خپلو لیکو فاسد او زورواکي وباسي او هېچا ته د امنیت د ګډوډولو اجازه ورنه ‌کړي.