د کابل ښار د کارته مامورینو په څلورلارې کې سلګونو هغو کسانو اعتراض پيل کړی چې د حکیم الکوزي درملو پسې ورغلي و.
دغه کسان د الکوزي هڅې ستایې او له حکومت غوښتنه کوي چې الکوزي ته اجازه ورکړي چې د کرونا ویروس مخنیوي په نوم درمل پر دوی ووېشي.
د الکوزي دفتر وایي چې دوی تیار درمل لري خو عامې روغتیا وزارت ورته لارښوونه کړې چې د درملو وېش لړۍ ودروي.
عامې روغتیا وزارت تېره ورځ ددغه روغتیایي مرکز چارې وځنډولې.
عامې روغتیا وزارت ویلي و دغه روغتیایي مرکز د فعالیت جواز نه لري او د کرونا مخنیوي لپاره په کې تدابیر نه دي نیول شوي.
روغتیا وزارت د هغو درملو ازمایل هم پیل کړي چې حکیم الکوزی یې د کرونا مخنیوي درمل بولي.
الکوزي ادعا کړې چې جوړ شوي درمل یې کرونا لمنځه وړي خو د دغو درملو د ترکیب په تړاو څه نه وای.
له بلې خوا، د عامې روغتیا وزارت مرستیال وحیدالله مجروح نن یوې خبرې ناستې ته د نوم اخېستلو پرته وویل چې عامې روغتیا وزارت چاته اجازه نه ورکوي چې په خپل سري ډول د کرونا درمل جوړ او خلکو ته ووېشي.
دا په داسې حال کې ده چې په هېواد کې په کرونا ویروس د اخته کسانو شمېر ۱۵ زره او ۲۰۵ ته رسیدلی دی.
د عامې ورغتیا وزارت وایي، په تېرو څلروېشت ساعتونو کې د کرونا ۶ سوه ۸۰ مثبتې پېښې ثبت شوې دي چې ورسره په هیواد کې په کرونا ویروس د اخته کسانو شمېر ۱۵ زره ۲ سوه ۲۵ ته ورسېد.
د عامې روغتیا وزارت مرستیال وحیدالله مجروح وایي، په تېرو څلروېشت ساعتونو کې ۸ کسان له کرونا مړه دي.
