Skip to content
د افغان پخواني ولسمشر حامد کرزي د اسلامي همکاریو د سازمان په ناسته کې د پاکستان لومړي وزیر عمران څرګندونو ته غبرګون وښود.
پخواني ولسمشر د عمران خان څرګندونې د افغانانو ترمنځ د نفاق اچونې هڅه او د افغانستان خلکو ته سپکاوی وباله.
کرزي ویلي،دا چې ګواکې داعش ډله په افغانستان کې فعالیت لري او له افغانستانه پاکستان ګواښي،د افغانستان خلاف ښکاره تبلیغ دی.
د کرزي په وینا واقعیت کې موضوع برعکس ده او د داعش ګواښ له پیله له پاکستانه پیل او افغانستان ته متوجه دی.
پخواني ولسمشر د پاکستان حکومت ته توصیه کړې ده،چې د افغانستان پر خلاف له تبلیغ او د افغانستان کورنیو چارو کې له لاسوهنې ډډه وکړي.
کرزي پر خان غږ کړی دی،چې پرر نړیوالو غونډو کې د افغانستان په استازیتوب د خبرو کولو پر ځای دې د یو نېک ګاونډي په توګه د دواړو هېوادونو ترمنځ د اړیکو جوړولو لپاره کوښښ وکړي.
عمران د افغانستان په تړاو د اسلامي همکاریو سازمان ناسته کې د خبرو پرمهال ویلي، له افغان خاورې پرې داعش ډلې برید کړی او په افغانستان کې د داعش ډلې فعالیت ټولې سیمې ته ګواښ دی.
