کرزي په کابل کې د ایران سفیر له مرستیال سره کتلي 

د افغانستان  پخواني ولسمشر حامد کرزي  د شنبې پر ورځ د « ۱۴۰۱ کال د غبرګولې پر ۷ مه» په کابل کې د ایران سفیر له مرستیال سره کتلي دي. 

په کابل کې د ایران سفارت پر خپله ټویټر پاڼه لیکلي، لېدنه کې دواړو لورو د تېرو ښو اړیکو پر دوام او د افغانستان د روان  وضعیت په  اړه خبرې اترې کړي دي. 

سفارت زیاته کړې، چې دواړو لوریو د سیمې د روانو حالاتو په اړه هم د نظرونو تبادله کړې ده.

دغه راز دواړو  د افغانستان د راتلونکي په تړاو هېله مندي ښودلې او زیاته کړې یې ده،چې حالات به ژر بېرته نورمال شي.

دغه لېدنه داسې مهال کیږي،چې تېره جمعه د مرکزي اسیا هېوادونو هم د افغانستان په تړاو ناسته کې د حالاتو د ښه کیدو په تړاو هېله مندي څرګنده کړې وه.