مخکینی سناتور هاشم الکوزی وايي:« د اسلامي نظام ټولو مشرانو ته پکار ده،چې له نړیوالو سره له داسې سیاست کار واخلي،چې د رسمیت پیژندنې موضوع د بحث لومړی ټکی وي او له بل لوري دغه کوچنۍ موضوع،چې د هغو ښځو حجاب او تعلیم موضوع ده،په دې هکله هم باید نړۍ ته قناعت ورکړل شي او هغه پخواني پوځي کادرونه چې په فصل ککړ نه دي، باید اعتماد وکړي اوکار ترې واخېستل شي.»
ځینې بیا وايي،له نړۍ سره د رسمیت پیژندنې لپاره بیا بحث د داخلېدو په موخه باید کورنۍ مشروعیت ترلاسه شي او د دې یوازینۍ لار د یوې لویې جرګې رابلل دي،چې ټول اړخونه په کې استازي ولري.
د سیاسي چارو کارپوه هاتف مختار وايي:« اسلامي امارت ته تر ټولو مهم دادي،چې د افغانستان سترو او ملي ګټو ته دې متوجه شي او هغه دا ده،چې افغانستان له سیاسي او اقتصادي نړیوالې انزوا واېستل شي. موږ باید په داسې ملي او ستره اسلامي جرګه منتج شو،په پایله کې یې موږ داخلي مشروعیت واخلو او له هغې وروسته نړیوال مشروعیت ترلاسه کړو،که داسې ونه شي افغانستان ورځې بلې ته انزوا خواته ځي.»
خو د دې ټولو مسایلو سره سره اسلامي امارت تل ټینګار کړی دی،چې د رسمیت پیژندنې په برخه کې یې ټول نړیوال معیارونه پوره کړي او باید نور یې حکومت پر رسمیت وپیژندل شي.
