Skip to content
د اسلامي دولت نومې ډلې( داعش ) نن په یوه بیان کې ویلي، چې په کابل کې پرونی برید دوی وسله والو کړی او د بریدګرو ویډیو یې خپره کړې ده.
د یادې ډلې لخوا په یوه خپره شوې ویډیو کې دوه کسان لېدل کېږي،چې عمرونه یې د ۱۸ او ۲۰ کلونو ترمنځ ښکاري او په فارسي ژبه خبرې کوي.
دغه برید پرون له غرمې وروسته شااوخوا دوه نیمې بجې د شهرنو حاجي یعقوب او انصاري څلور لارو ترمنځ سیمه کې پر هغه هوټل شوی دی،چې چینایان په کې اوسېدل.
داعش ډلې ادعا کړې،چې په دې برید کې یې تر ۳۰ ډېرو کسانو ته مرګ ژوبله اړولې ده.
خو د ایمرجنسي روغتون بیا پر خپله ټويټر پاڼه لیکلي،چې له دغه برید دوی ته ۳ جسدونه او ۱۸ ټپيان وروړل شوي دي.
