کابل کې د علماوو ستره جوړیدونکې غونډه وځنډیده

ټاکل شوې وه، نن چهارشنبه د « ۱۴۰۱ کال  چنګاښ پر ۸ مه» په کابل کې د لویې جرګې په تالار کې د علماوو ستره غونډه پیل شي،خو د نامالومو دلایلو له امله سبا ته پاتې شوه. 

سرچینې وايي، د علماوو دغه غونډه به سبا پنجشنبه پیل شي.

تر دې دمه د دغې سترې ناستې د ځنډیدو لامل څرګند نه دی او نه یې هم چا په اړه رسنیو ته مالومات ورکړي دي.

په پام کې ده، چې په دغه ستره غونډه کې د هېواد پر کچه شااوخوا ۳ زره علماء ګډون وکړي.