کابل کې د امریکا سفارت  فېسبوک پاڼې له شپږ میاشتني ځنډ وروسته  بیا  فعالیت پیل کړ

په کابل کې د امریکا متحده ایالتو  سفارت ټویټر او فېسبوک پاڼې له څه باندې شپږ میاشتو ځنډ وروسته، د سه شنبې پر ورځ د « ۱۴۰۰ کال د کب پر ۱۷ مه»  یو ځل بیا فعالیت پيل کړ او  د پروفایل انځورونه یې هم بدل کړل. 

یاد سفارت د مارچ اتمې د  ښځو یووالي نړیوالې ورځې په مناسبت  خپور کړي پيغام کې ویلي، د افغان ښځو او نجونو هر راز ملاتړ ته دوام ورکوي.

سفارت ویلي، د افغانستان امنیت او سوکالي د زده کړو او کار سربیره په ټولو برخو کې د ښځو ونډې پورې تړاو لري.

پداسې حال کې چې واشنګټن د تیرکال د سپمټمبر په لومړۍ نيټه کابل کې خپل سفارت تړلی، له شااوخوا شپږ میاشتني ځنډ وروسته سفارت په رسمي فیسیبوک پاڼه د مارچ اتمې په مناسبت پيغام خپور شو.