په کابل کې د امریکا متحد ایالاتونو سفارت وایي، د کورونا وبا له امله سر له سبا د ویزې ورکړې چارې ځنډوي.
د سفارت له لوري په خپره شوې خبرپاڼه کې راغلي، له هغو کسانو سره به چې وار له مخه یې د مرکو وخت ټاکل شوی، په مستقیم ډول اړېکه ونیول شي.
په خبرپاڼه کې له هغو خلکو چې د امریکا متحده ایالتو د ویزې غوښتنه لري، هېله شوې،چې سفارت ته ورنه شي او له سفارت سره په ارتباط کې نه شي.
سفارت وايي، له دې چارې یې موخه د ویزو د ورکړې له ځنډېدو د خپلو کارکوونکو او درخواست ورکوونکو روغتیا ده.
