لومړنۍ چاودنه نن سهار اوه نیمې بجې د کابل ښار دویمې حوزې اړوند جوی شیر ساحه کې شوې ده، چې دوه سرتیري يې ټپیان کړي.
د یو بل خبر له مخې د کابل ښار څلورمې حوزې اړوند سلیم کاروان سیمه کې هم پر یو موټر چاودنه شوې چې پایله کې یې د جمعیت اصلاح ګوند د مشر دوکتور محمد عاطف په ګډون دوه کسان ووژل شول او دوه نور ټپیان شوي.
دریمه چاودنه د کابل ښار دهمزنګ سیمه کې پر یو کرولا موټر وشوه چې یو کس یې ټپي کړ.
په دې وروستیو کې په کابل ښار کې هدفي وژنې او چاودنې ډیرې شوي او د کابل ښاریانو ژوند یې له ګواښ سره مخ کړی دی.
وړمه ورځ د امریکا په ګډون ناټو او د اروپایي ټولنې غړو هېوادونو سیاسي استازولیو په افغانستان کې د ډیری بمي بریدونو او هدفي وژنو مسوول طالبان بللي وو.
