د کابل ښاروالۍ مسوولین وايي، د عامه پروژو تطبیق لپاره د استملاک شویو ۱۲۰ کورونو مالکینو ته یې د خسارې ورکړې لړۍ پیل کړه.
د مسوولينو په خبره دغه جدايدونه د ښار په بېلابېلو سيمو کې د سړک ۱۰ پروژو د عملي کولو پرمهال استملاک شوي او د ځانګړې طزالعمل له مخې به ورته د ځمکې او ويجاړ شوې ساختمان خساره ورکوي.
د کابل ښاروالۍ د استملاک مشر انجنیر عبدالمتین حنيف وايي:« له هغې لایحې سره سم چې د ټول کابل ښار لپاره منل شوې ده، د هرې ناحیې کوم ملکیت چې د اشخاصو څخه استملاک کېږي په هماغه بیه به شاروالۍ یا ځمکه ورکوي یا کومه بله لار ورته پیدا کوي او د یوه منظم پروسیجر له لارې دا لایحه منظور شوې ده.»
د کابل ښاروالۍ د چاپيریال او ښاري خدمتنو معین محمد خالد سجستاني وايي، د اسلامي امارات له بیا واکمنيدو وروسته په ښار کې د ۳۲۸ استملاک شویو کورونو خاوندانو ته د ۲۴۴ ميليونه افغانيو په ارزښت مالي حسابونه سپارلي دي.
سجستاني زیاته کړې:« د اسلامي امارت له راتګه تر اوسه ۳۲۸ جایدادونه استملاک شوې دي، چې ټولیز ارزښت یې ۲۴۴ میلیونه افغاني کېږي او مالکینو ته یې ورکړل شوې، په دې کې ځينې جایدادونه لس کاله وړاندې استملاک شوې وو.»
د استملاک شویو کورونو مالکین هم د کابل ښاروالۍ له دې چارې خوښ دي او وايي د ځمکي او ويجاړ شوې ساختمان ټول لښګت ورته له براورد وروسته ټاکل شوي.
د استملاک شوي کور مالک اسدالله وايي: « زما کور شپږ اتاقه و، ماته یې یو میلیون افغانۍ راکړې چې همدا بسنه کوي، ما بېرته په همدې اندازه او ښايي تر دې هم کمې مصرف شوې وي.»
د کابل ښارولۍ د مالوماتو له مخې، د اسلامي امارات له حاکميت وروسته په ۱۵۰ کوچينو پروژو کار پیل کړی چې ځينې بشپړې شوې او په ځینو نورو لا هم جريان لري،چې د لګښت ډیره برخه يې د د ښارولۍ راټول شوو عوايدو له لورې پوره کيږي.
