د افغانستان اسلامي امارت د ویاند مرستیال انعام الله سمنګانی وايي،له پاکستاني پلاوي سره په پخوانیو هوکړو بحثونه او ځينې مهمې ژمنې او هوکړې شوې دي.
سمنګانی وایي، له پاکستاني لوري سره پر ۲۵ مواردو بحثونه شوي او د ډیورنډ کرښې په اوږدو کې د شخړو او امنیتي ستونزو مخنیوي په موخه پر ګډې کمېټې هوکړه شوې ده.
دغه راز سمنګانی وايي، له پاکستاني لوري سره د سوداګرو په ستونزو او ترڅنګ یې د اپټا تړون په تړاو هم خبرې شوي.
سمنګاني زیاته کړه:« پر۲۵ مواردو باندي خبري وشوې.پراقتصادي ترانزیټي بحث وشو او د اپټآ تړون په تړاو هم خبرې وشوې،چي وړاندي د افغانستان او پاکستان ترمنځ شوی وو.»
سمنګانی وايي، کابل او اسلاماباد هوکړه کړې،چې د ډيورنډ پر فرضي کرښه د امنیتي ستونزو د حل په موخه یوه ګډه کمېټه جوړه کړي او په راتلونکې کې د ستونزو او شخړو مخنیوی وکړي.
سمنګانی زیاتوي:« د ډيورند کرښې په اوږدو کي د امنیتي ستونزو د حل په موخه هم کمیټه جوړه شوه.»
که څه هم کابل د یاد پلاوي د سفر پایلو ته هیله من دی،خو یو شمیر بیا په دې باور دي،چې دې سفر کې نوي څه نه وو او پایلو ته یې خوشبینه نه دي.
د اقتصادي چارو شنونکی یونس ځډران وايي:« موږ خو ډيره څه تازه په دې سفر کي نه وینو، ځکه ټول زاړه موارد دي،چي خبرې ور باندې شوي دي. اپټآ تړون دی٬ د کاري ډلي را استول افغانستان ته او د افغانستان او پاکستان ترمنځ سوداګريز ستونزي.»
د پاکستاني پلاوي سفر به وکولای شي،د افغانستان او پاکستان ترمنځ پرتې ستونزي حل کړي او د اپټا تړون په بیا نوي کولو به غور وشي او که نه دا به وروسته مالوم شي.
