کابلوف: د اسلامي امارت رسمیت پېژندندې لړۍ له سیاسي پلوه په عملي ډول پیل شوې

د افغانستان لپاره د روسیې ولسمشر ولادیمیر پوتین ځانګړی استازی ضمیر کابلوف یوه ټلویزیون سره په مرکه کې وویلي د اسلامي امارات د رسمیت پیژندنې لړۍ له سیاسي پلوه په عملي ډول پیل شوې او د مقاومت ماهیت تر دې دمه مجازي بڼه لري.

کابلوف وايي،د مقاومت کوونکو هېلو ته درناوی لري،خو اوس په ماهیت کې دغه مبارزه سمبولیکه بڼه لري.

کابلوف زیاته کړې:«دا ټول فرضي مسایل دي. که دا مجازي حرکتونه واقعي بڼه واخلي او طالبانو ته ګواښ محسوس شي،نو دا به بیا د دې لامل شي،چې د جګړې نوې شبکه رامنځ ته شي او له دې سره به په هېواد کې کورنۍ جګړه پیل شي.»

کابلوف ویلي، د اسلامي امارات د رسمیت پیژندنې لړۍ که څه هم تر ډيره سیاسي نمایشي بڼه لري،خو په عمل کې پیل شوې او طالبان په سترو نړیوالو غونډو کې ګډون کوي.

کابلوف زیاتوي:« په ټولییزه توګه له سیاسي پلوه د افغانستان په رسمیت پیژندلو موضوع یوه سیاسي نمایشي موضوع ده. خو لکه څه ډول چې یې موږ یې وینو،د رسمیت پیژندنې سیاسي لړۍ په عملي ډول پیل شوې. طالبانو دلته په مسکو فارمټ کې هم موږ سره ګډون کړی وو.»

اخوا اسلامي امارت بیا د نړیوالو د هرې هغې پریکړې ملاتړ کوي،چې له اسلامي امارات سره د تعامل په موخه ترسره کېږي.

د اسلامي امارت د ویاند مرستیال بلال کریمي وايي، نړیوالو باید ډېره مخکې دا پریکړه کړي وی.

کریمي  زیاته کړه:« دا ښه ګام دی او باید دا ډول ګامونه وار له مخکې اخېستل شوي وی. موږ اوس هم د دې ګام هرکلی کوو،ځکه څومره،چې دا ګامونه زیات پورته شي،هغومره زموږ د هېواد د خلکو او د هغوی اقتصاد او سوداګرۍ ته ګټه کوي.»

کابلوف دغه څرګندونې داسې مهال کوي،چې د ملګرو ملتونو په ګډون امریکا او لویدیځو هېوادونو اوس هم د اسلامي امارت رسمیت پیژندنې موضوع په خپلو ځانګړې شرایطو مشروطه کړې ده.