ډیر ژر به د افغانستان او ایران ترمنځ ریل پټلۍ پرانیستل شي.
د ریل پټلۍ ادارې ویلي، ۱۳ ورځې وړاندې په ازمایښتي ډول له ایران څخه یو اورګاډی د لومړي ځل لپاره د افغانستان خاورې ته داخل شو.
یادې ادارې ویلي، د هرات – خواف پټلۍ به په څو اونیو کې پرانستل شي.
د افغانستان او ایران ترمنځ دغه پټلۍ ۱۳۰ کیلومتره اوږدوالی لري چې ورسره به افغانستان د ایران سوېلي بندرونو او د ایران – ترکیې پټلۍ له لارې له اروپا سره وصل شي.
د ایران او افغانستان ترمنځ پټلۍ څلور برخې لري؛ چې لومړۍ، دویمه او دریمه برخه یې د ایران په لګښت جوړېږي او څلورمه برخه یې چې له روزنک تر هرات صنعتي ښار رسېږي افغانستان جوړوي.
د دې ادارې په خبره، دا برخه ۸۰ کیلومتره اوږده ده او له ۴۰ کیلومتره په ډېره برخه یې له ۵۸ میلیون ډالرو زیات لګښت کېږي.
