په اوسط ډول هره ورځ په افغانستان کې ۳۰ امنیتي ځواکونه وژل کیږي.
ولسمشر غني له یوې غربي رسنۍ سره په مرکه کې ویلي چې په تېرو څلورو کلونو کې په افغانستان کې ۴۵ زره امنیتي ځواکونه وژل شوي دي.
د افغان ځواکونو د لوړې مرګ ژوبلې ګراف اصلي لامل کمرزی مدیریت او بې مسولیتي ښودل کیږي.
دلته روانه جګړه هر ورځ د لسګونو کسانو په قربانۍ تمامیږي، افغان امنیتي ځواکونه، طالبان او ملکي وګړي د دې جګړې بیه پرې کوي چې ټول یې افغانان دي.
ولسمشر غني له یوې لوېدځې رسنۍ سره یوازې د افغان امنیتي ځواکونو د تېرو څلورو کلونو د وژل شویو ارقام ۴۵ زره کسان او د نړیوالو ځواکونو د وژل شویو شمېر بیا ۷۵ کسان ښودلي دي.
ولسمشر محمد اشرف غني په مرکه ویلي ((له هغه وخته چې زه د حکومت مشر ټاکل شوی یم، سل زرو نړیوالو ځواکونو افغانستان پرېښود، په دې موده کې پنځه څلوېښت زرو افغان ځواکونو خپل ژوند له لاسه ورکړی، ۷۵ بهرني ځواکونه وژل شوي او دا ښکاره کوي چې څوک دغه جګړه کوي.))
د ښودل شویو شمېرو له مخې د افغان ځواکونو وژل کېدل په اوسط ډول لږ تر لږه ۳۰ کسان کیږي.
کمزوری مدیریت او د تهجیزات نشتون د دې لوړې مرګ ژوبلې اصلي لامل ښودل کیږي.
د طالبانو او ملکي وګړو د وژل شویو ارقام تر اوسه معلوم نه ددی خو د اټکل له مخې د هغوی مرګ ژوبله هم له دې کمه نه ده، خو پوښتنه دا ده چې افغان ځواکونه ټول له طالبانو سره په جګړه کې وژل شوي دي.
په افغانستان کې اتلس کلنې جګړې د مرګ ژوبلې شمېر له حساب ایستلی او هیڅوک په دې برخه کې کره ارقام نشي وړاندې کولی، ولسمشر داسې مهال د افغان امنیتي ځواکونو د څلورو کلونو د وژل شویو ارقام روښانه کړل چې د روانې جګړې د حل لپاره په ښکاره مهم ګامونه اخیستل شوي دي.
