په ځینو دولتي ادارو کې برښنايي تذکرې قصدي نه منل کېږي او له مراجعینو کاغذي تذکرې غوښتل کېږي.
له اوږده جنجال وروسته برښنایي تذکرې ومنل شوې او دا پروسه رسما له ارګ څخه د ولسمشر د تذکرې په اخیستو پيل شوه، خو تراوسه دا پروسه له کابل څخه ولایتونو ته نه ده غځیدلې.
سره له دې چې په دې تړاو ټول قانوني خنډونه له منځه تللي، خو لا هم ځینو ادارو کې دا تذکرې نه منل کیږي.
ځینو ادارو کې برښنایي تذکره په قصدي ډول نه منل کیږي او له مراجعینو د کاغذي تذکرو غوښتنه کیږي.
د عامو خلکو تر څنګ د مشرانو جرګې ځینو غړو هم لیدلي چې د برښنایي تذکرې پر ځای ترې کاغذي تذکره غوښتل شوې.
د برښنایي تذکرو اداره بیا خبرداری ورکوي چې له ټولو هغو کسانو سره به جدي چلند وشي چې برښنایي تذکره په ادارو کې نه مني.
د مشرانو جرګې غړي جمعه دین ګیانوال سره هم همدا شان چلند شوی دی او په دې تړاو ورته ځینو کسانو شکایتونه هم کړي دي.
اوس د برښنايي تذکرو خبرداری ورکوي چې ټولو هغو کسانو سره به جدي چلند وشي، چې برښنایي تذکرې نه مني او یا ورته په ادارو کې سپک ګوري.
اوس ولایتونو کې خلک په تمه دي چې برښنایي تذکرې واخلي، خو د تذکرو اداره نه ده توانیدلې چې دا پروسه ولایتونو ته وغځوي.
ځینې یې لامل سیاسي جنجالونه او مصلحت بولي، خو د تذکرو اداره وايي، پارلماني او ولسمشریزو ټاکنو حکومت مصروف کړی چې دا پروسه ورسره ټکنۍ ده.
د برښنایي تذکرو د ویش پيل څخه نهه میاشتې اوړي او په هره میاشت کې په اوسط ډول لس زره کسانو تذکرې اخیستي، خو دا تذکرې یواځې کابل کې اخیستل شوي او ولایتونو کې دا پروسه نه ده پيل.
