وکیلان وايي، امریکا ولسمشر دې د افغانستان د محوه کولو خیال له سره وباسي .
ولسي جرګې د ډونالډ ټرمپ وروستیو څرګندونو په غبرګون کې ویلي چې ټرمپ په ډیپلوماتیکه ژبه نه پوهیږي او باید کانګرس او مشاورین یې پوه کړي.
ځینو وکیلانو ټینګار درلود چې له امریکا سره دې امنیتي او ستراتيژيک هوکړه لیکونه لغوه شي.
دافغانستان دجګړې په دګټلو په تړاو دامریکا د ولسمشر ډونالډ ټرمپ وروستیو څرګندونو دولسي جرګې توند غبرګون راپارولی .
وکیلانو په ټرمپ غږ کړی، که دافغانستان دمحوه کولو په فکر کې وي لومړی باید دافغانانو تاریخ مطالعه کړي .
وکیلان وايي نړۍ دټرمپ د شخصي سوداګرۍ ساحه نه ده چې څه په کې محوه کړي او څه پکې رامنځ ته کړي بلکې دلته هیوادونه د نړیوالو قوانینو پراساس جغرافیې لري او ژوند کوي.
ځینو وکیلانو پر ولسمشر غږ وکړ، چې د امان الله خان تاریخ دې تازه کړي او د امریکایي پوځیانو د وتلو اعلان دې وکړي.
د ولسي جرګې غړي حبیب الرحمان پدرام داسې وویل (( تاسو راغلئ چې د شاه غازي امان الله خان نا تمامه فصل پوره کړم، د اسد په اته ویشتمه لاړ شئ هماغه جومات ته او په ممبر ودرېږئ او د افغانستان په چارو کې د امریکا د ښکاره مداخلو او د ټرمپ د بې اساسه څرګندونو پر وړاندې ښکاره اقدام وکړئ.))
ځینو بیا په دې ټینګار کاو چې باید له امریکا سره پر شویو تړونونو له سره غور وشي او لغوه دې اعلان شي .
د ولسي جرګې غړي خالد مومند داسې وویل (( امریکا سره شوي تړون باندې دې بیا له سره کتنه وشي دا تړون نه موږ ته د منلو دی او نه به یې ومنو.))
وړمه ورځ د امریکا ولسمشرډونالډ ټرمپ د پاکستان له لومړي وزیر سره په لیدنه کې ویلي و کولای شي چې د افغانستان د جګړې د ګټلو لپاره په لسو ورځو کې افغانستان له نقشې محوه کړي خو دغو څرګندونو د افغان حکومت ترڅنګ د ټولو افغانانو غبرګون راپارولی دی .
