د اقتصادي چارو شنونکی عبدالنصیر ریشتیا وايي:« دا چې د افغانستان اقتصاد په بهرنیو مرستو ولاړ و نو دا ډول رکود په کې عادی و. نړېوال دې د افغانستان پیسې خلاصې کړې ترڅو دلته بیا پروژې پیل شي. او د افغانستان حکومت ته پکار ته چې پر خپلو بنسټیزو پروژو کار وکړي او اقتصاد پیاوړی کړی.»
د پیسو نړېوال صندوق که څه هم د افغانستان اقتصادي رکود د اسلامي امارت له راتګ راوروسته اټکل کړی، خو وایي، عوامل یې کابل ته د اسلامي امارت له راتګ مخکې موجود و، چې له ډلې یې کورونا وبا او وچکالي هم ښودل شوي دي.
یاد صندوق له نړېوالې ټولنې غوښتي، چې افغانستان ته دې بشري مرستې زیاتې کړي او پر روغتیا او د پوهنې پر سکتورنو دې تمرکز زیات کړي.
