د پکتیا اوسیدونکي له ښاروالۍ او نورو ادارو غواړي،چې د تازه کېنول شویو نیالګیو د پالنې لپاره چمتووالی ونیسي او پر وینا یې،هر کال ډېری کینول شوي نیالګي د نه پاملرنې له کبله وچیږي.
د پکتیا ولایت یو تن اوسېدونکی وايي:« له نیالګیو کینولو وړاندې باید د اوبو سیستم ورته جوړ شي،ځکه له دې وړاندې بېلابېلو سیمو کې په ځانګړي ډول تیرې کنډو کې زرګونه نیالګي کینول شوي ول، خواوس ټول وچ دي.»
د پکتیا ولایت یو بل اوسېدونکی بیا وايي:« د دې په ساتنه او اوبو کول کې باید ادارې او خلک ګډ کار وکړي،د دې تر څنګ موږ ژمنه کړې ده،چې د لوړ پوړیزو ودانیو سیمه کې به نیالګي او ګلان کرو.»
