امید ګل زیاته کړه:« تیرو څو میاشتو کې شااوخوا تر پنځو سلنه ماستر پلان عملي شوی او پاتې به راتلونکی کال عملي شي،نورې ستونزه شته دی، ځینې ځایونو کې د ځمکو د استملاک ستونزه ده ، چې باید سترګې پرې پټې نه شي.»
اخوا د پکتیا والي محمد علي جان احمد وايي،اسلامي امارت د مسوول حکومت په توګه د کړنو حساب ورکول خپل مسوولیت بولي او ادارې به وخت پر وخت له ولس سره خپلې کړنې شریک کوي.
احمد زیاته کړه:« د محشر په ورځ چې د ولس لاسونه زموږ پر غاړه کې نه وي. دا حساب یوازې ولس ته نه ورکوو، موږ خپله غاړه خلاصوو،که کومه نیمګړتیا ولرو،باید اصلاح یې کړو.»
د پکتیا اوسېدونکی ګلزار زیارمل وایي،پخواني حکومت کې یو شمیر مامورینو بنوزیو ښارګوټي کې د استوګنې نومرو لپاره مخکې پیسې تحویل کړي او ښاروالۍ یې باید برخلیک مالوم کړي.
زیارمل زیاته کړه:« پیسې یې بانک ته تحویل کړي،لکه ښوونکي، د پوهنتون استادان او نور مامورین باید دا موضوع د الله رضاء لپاره مالومه شي او د دغو خلک برخلیک هم مالوم شي.»
د ښاروالۍ مسوولینو د حساب ورکولو ناسته کې د یو شمیر فرعي سړکونو جوړیدو تر څنګ اصناف بندۍ د یادولو تر څنګ د راتلونکي کال کاري پلان هم له خلکو سره شریک کړ.
