د زرمت مېخانیکي لیسې مدیر نعیم عارف وايي:« برښنايي موټر یې جوړ کړی وه،چې دا موټر له ۱۰۰ تر ۱۵۰ متره پورې په ریموډ کنټرول باندې یوې او بلې خوا ته کنټرول کېږي. دغه راز د مزایل توغولو وړتیا هم لري. دویم سمر سیبل وه،چې له ۱۰ تر ۱۵۰ متره پورې کولی شي،چې له ژورې څاه اوبه راوباسي.»
د عبدالهادي په لاسونو جوړ شوی برښنایي ټانک په ریموډ کنټرول کیږي، چې تر ۱۵۰ مترو مزل کولای شي او د راکټ وېشتلو وړتیا هم لري.
د میخانیکي لیسې بل زده کوونکي حکیم جان بیا داسې سمرسیبل جوړکړی دی،چې د یوې بطرۍ په وسیله له ۲۰ متره څاه د اوبو را اېستلو وړتیا لري.
د برښنايي ټانک جوړونکی عبدالهادي وايي:« دا موټر له درېیو برخو جوړ شوی دی،چې برښنايي څپې ورکوونکی، برښنايي څپې اخېستونکی او بېرته د کنټرول برخه یې ده،چې له کومې لارې دا کنټرول کېږي.»
د سمر سیبل جوړونکی حکیم جان بیا وايي:« دا سمر سیبل پر ۱۲ ولټه برښنا باندې چلېږي،که شمسي ورته کېښودل شي، دا سمر سیبل له شااوخوا ۲۰ ژورې څاه اوبه راېستلی شي،چې لمر وي، که لمر نه وي، نو له ۱۰ تر ۱۲ متره ژورې څاه اوبه راېستلی شي.»
