Skip to content
په سوېل کې د پکتیا اریوب ځاځيو ولسوالۍ یو شمېء اوسېدونکي وایي، په تېرو ۲۰ کلونو کې یې د سړک جوړیدو غوښتنه نه ده عملي شوې او اسلامي امارت دې ورته د اریوب ــ احمدخیلو سړک په پاخه او اساسي ډول جوړ کړي.
دوی وايي،د سړک خرابوالي له امله یې عاجل ناروغان ګردیز او د څمکنیو روغتونونو ته پر وخت نه رسیږي او په لاره کې ساه ورکوي.
د اریوب ځاځيو ولسوالۍ یو تن اوسېدونکی وايي:«غوښتنې مو دا دي،چې کلونه کېږي،چې دغه سړک چا جوړ نه کړ او هر وخت یوازې له موږ سره ژمنې کېږي.»
د اریوب ځاځیو والسولۍ یو بل اوسېدونکی بیا وايي:« د سوک خرابوالي له امله زموږ عاجل ناروغان د ګردیز او څمکنیو روغتونونو ته پر وخت نه رسیږي او په لاره کې ساه ورکوي.»
د اریوب ځاځیو والسوالۍ اوسېدونکي همدا راز وایي، مخکیني حکومت یې څو ځله د سړک جوړیدو لپاره اقدامات وکړل،خو اسلامي امارت اجازه نه ورکوله او اوس دې اسلامي امارت د احمدخیلو او اریوب سړک په پاخه او اساسي ډول جوړ کړي.
د اریوب ځاځيو ولسوالۍ یو تن اوسېدونکی وايي:« د اریوب ځاځیو سړک خو څو ځله تیرو کلونو کې په قرارداد ورکړل شو،خو چارې پیل نه شوې. اوس له اسلامي امارته غواړو،چې زموږ دغه غوښتنه ومني.»
د پکتیا ټوولګټو چارو ریاست مشر عبدالمتین حماس بیا وايي، د اریوب ځاځیو ولسوالۍ اوسېدونکي دې اندیښنه نه کوي او راتلونکی کال به یې سوک په پاخه او اساسي ډول جوړ شي.
حماس زیاته کړه:« راتلونکی کال به د اریوب او احمدخیلو تر څنګ د څمکنیو جاني خیلو او زرمت ګردیز سړ کونه هم په پاخه او اساسي ډول جوړ شي.»
حماس وايي، راتلونکی کال به د اریوب ځاځیو او احمدخیلو تر څنګ د څمکنیو ــ جاني خیلو او زرمت ګریز سړکونه هم په پاخه او اساسي ډول جوړ شي.
