د پکتیا امنیه قوماندان وايي فساد ضد مبارزه او اصلاحات راته لومړیتوب لري.
د پکتیا امنیه قوماندان سمونوال عثمان جانباز وایي، چې د ولسوالیو ټول هغه قوماندانان به له دندو ګوښه کړي چې په واسطه او یا هم د اشخاصو له لوري معرفي شوي دي.
امنیه قوماندان وایي، چې د پولیسو لیکو کې یې هم ارزونه پیل کړې ګمارنې د وړتیا پر بنسټ کوي او د زورواکو او ځانګړو کړیو ِغوښتنو ته به سر ټیټ نه کړي او ژمن دی چې د نورو اصلاحاتو تر څنګ به د فساد مخه نیسي.
امنیه قوماندان همدا راز وایي ، چې د ګردیز امنیتي کمربند سیمو او هغه ولسوالیو کې عملیات پیلوي چې د وسله والو فعالیتونه په کې د پخوا په پرتله زیات شوي دي .
د پکتیا امنیه قوماندان چې څو ورځې یې د دندې له پیله تیریږي وایي ، چې د ولسوالیو ټول هغه قوماندانان به له دندو ګوښه کړي چې د واسطې ، پیسو او یا هم د اشخاصو او کړیو په زور معرفي شوي وي .
امنیه قوماندان سمونوال عثمان جانباز زیاتوي چې د پولیسو لیکو کې ارزونه پیل کړې د فساد د مخنیوي تر څنګ به ګمارنې د وړتیا پر بنسټ کوي او دې برخه کې به د زورواکو ، او اشخاصو غوښتنې ونه مني .
د مرکز ګردیز ، زرمت ، اریوب ځاځیو لجه منګل او احمدابا ولسوالۍ او د لویو لارو د امنیت په اړه خلک اندیښنه لري .
خو امنیه قوماندان سمونوال محمد عثمان جانباز وایي ، چې د ګریز ښار امنیتي کمربند ته څیرمه سیمو او یو شمیر ولسوالیو کې نږدې ورځو کې چاڼیز عملیات پیلوي او خلک دې د امنیت په اړه اندیښنه نه کوي .
پکتیا کې تر ډیره د پر پولیسو نیوکې دي چې له بار وړونکو ناقانونه پیسې اخلي خو امنیه قوماندان محمد عثمان جانباز وایي ، چې نور به پولیس د دې فرصت ونه لري چې ناقانونه پیسې واخلي او خلک وځوروي .
