پر اسلامي امارت د روانو سیاسي او اقتصادي بندیزونو سرچینه که څه هم امریکا ده،خو د یاد هېواد بهرنیو چارو وزارت ویاند ویډانټ پټېل د یوه خبري کنفرانس پر مهال بیا ویلي، له افغانانو سره لا هم تر ټولو دېرې مرستې دوی کوي او له افغانانو دوامداره ملاتړ ته کلک ژمن دي.
پټېل ویلي، افغانستان کې پر ښځو او نجونو بندیزونو ته اندېښمن دي او په خبره یې چې له ښځو پرته د افغانستان ټولنه پرمختګ نه شي کولی.
پټېل زیاته کړې:« د افغانستان د خلکو پر وړاندې زموږ ژمنتیا نه یوازې دا چې غښتلې ده، بلکې دوامداره هم ده. امریکا لا هم یوازینی ستر هېواد دی، چې له افغانستان سره یې تر ټولو ډېرې بشري مرستې کړي دی. موږ افغانستان کې د طالبانو له خوا د بشري حقونو نقض په اړه ځانګړې توګه د ښځو حقونو نقض په اړه خبرې کړي دي. موږ په ټینګار سره وایو، کله چې د افغانانو نیمایي نفوس شاته پاتې دی، دوی به څنګه پرمختګ وکړي؟ نو موږ به له افغانانو سره خپلو مرستو ته دوام ورکوو.»
