د هلمند په ګرشک ولسوالۍ کې افغان ځواکونو د طالبانو سخت سنګرونه مات کړي او پرمختګ یې کړی.
په ګرشک ولسوالۍ کې د سپن مسجد په نوم سیمه هغه سیمه چې له تیرو دریو کلونو طالبانو پرې واکمني درلوده.
هلمند کې چارواکي وايي، په دغه جګړه کې یې طالبانو ته د سرزیان هم اړلی هغه څه چې طالبان یې هم ادعا لري.
دغه ماموریت د ګرشک ولسوالۍ د پآرچاو څخه اتلس کلیومتره واټن لري چې د لښکرګاه ښار د باباجي او د نادعلي ولسوالۍ د لوی مانده سیمي سره نښلوي، د ګرشک امنیه قوماندان څارمن محمد اسماعیل خپلواک په سپین مسجد ماموریت کې شمشاد تلویزیون ته وویل د سپین مسجد ماموریت ټولې سیمې نیول شوي او د دایمي امنیت لپاره یې هم د ملي پولیسو او ملي اردو ګډې قوي امنیتي پوستې هم ځای پرځای کړي دي.
چارواکي وایی په دغو عملیاتو کې یې ۲۱ طالبان وژل شوي اته ټپيان دي او ۲۱۱ کړۍ هغه مایونونه هم کشف او لمنځه وړي دي چې په لویو لارو کې د عملیاتو د مخنیوي په موخه ځای پرځای شوي و، چارواکي وایي په عملیاتو کې ملکي خلګو ته نه مالي او نه هم ځاني زیان اوښتی دی، دوی له خلګو غواړي چې په ډاډه زړه خپلو سیمو ته ستانه شي.
حکومت د ښار د څلورمې امنیتي حوزې باباجي د نیولو لپاره له دریو خواوو عملیات پیل کړي چې ګرشک ولسوالۍ څخه پیل شوي.
چارواکي وایي ډير ژر به څلورمه حوزه هم په بشپړه توګه ونیول شي چې ګرشک او لښکرګاه ښار به هم سره ونښلول شي خو طالب ویاند قاري یوسف احمدي د حکومت هغه ادعا ردکړه چې ګواکې په ګرشک ولسوالۍ کې یې ۲۹ طالبانو ته مرګ ژوبله اړولې ده، احمدي برعکس حکومت ته د اوښتې مرګ ژوبلې د اړولو ادعا کوي.
