د پوځ مسوولینو د طالبانو هغه ادعا رد کړه چې، د سیوري ولسوالي یې سقوط کړې.
پوځي مسولین وايي، د زابل سیوري ولسوالي نه ده سقوط شوې.
د دوه سوه پنځه اتل قول اردو قوماندانۍ ویاند احمد صادق عیسی وايي، هغه راپورونه چې ګنې د سیوري ولسوالي سقوط شوې نا سم دي.
طالب ویاند قاري یوسف احمدي بیا وايي، له دوه اونیو سختو جګړو وروسته یې سیوري ولسوالي په بشپړ ډول نیولې ده او ګڼو افغان ځواکونو ته یې مرګ ژوبله اړولې ده.
د یو بل خبر له مخې تیره شپه د مرکز کلات اړوند ظفرخېلو سیمه کې د ملي اردو د یوې پوستې شپږ سرتیري د طالبانو برید کې وژل شوي او یو بل یې ټپي دی.
