پوټین: له امریکا غواړو د افغانستان کنګل شوې شتمني ازاده کړي

د روسيې ولسمشر ویلاد مير پوټين له لوېديځو بانکونو غوښتنه کړې ده، چې د بشري اړتياوو په موخه دې د افغانستان کنګل شوې پانګه ازاده کړي.

پوتین ویلي، له افغانانو سره د مرستې لپاره اړينه ده،چې په لوېديځو بانکونو په ځانګړې توګه امريکا کې د افغانستان کنګل شوې شتمني ازده کړل شي.

پوتین ویلي، مناسبه دا ده،چې افغان شتمني له کنګل واېستل شي،ترڅو خلکو ته د بنسټيزو ستونزو د هواري فرصت برابر شي.

نوموړي زیاته کړې، دا پيسې به د وسلو پر اخېستلو نه لګول کېږي، ځکه په وینا یې طالبان وسلو ته اړتيا نه لري او د ميلياردونو ډالرو په ارزښت وسلې ورته پاتې دي،چې د دوی په کنترول کې دي.

اسلامي امارت هم په دوحه کې له امریکا د نورو موضوعاتو ترڅنګ غوښتي، چې کنګل کړې شتمني بېرته ازاده کړي او دغه راز په تیر کې ملګرو ملتونو هم دا غوښتنه کړې وه،خو امریکا ترې د فشار په توګه کار اخلي او کنګل کړې یې دي.