پوهنې وزارت: د شريعت په چوکاټ کې د ښځو له زده کړو سره هېڅ مخالفت نه لرو

د پوهنې وزارت سرپرست نورالله منیر ویلي، د شريعت په چوکاټ کې د ښځو له زده کړو سره هېڅ مخالفت نه لري او په خبره یې ديني عالمان د ښځو د تعليم په موخه په يوه داسې جامع پلان کار کوي، چې د اسلامي شريعت او افغاني دود سره سمون ولري.

نورالله منیر ویلي، اسلامي امارت د ښځو له زده کړو سره مخالفت نه کوي او دایې اسلامي او قانوني حق ګڼي.

نوموړي له باختر خبري اژانس سره په مرکه ويلي، د اسلامي نظام له رامنځته کېدو وروسته طالبانو په تدريجي ډول خپل کار پيل کړی او په دې وروستيو اوونيو کې يې زيات ښوونځي پرانيستي او دا لړۍ دوام لري.