په کندهار ښار کې امنیتي تدابیر زیات شوي

د کندهار امنیتي مسولین وايي، د ولایت مقام او امنیې قوماندانۍ د لارښونو د تطبیق لپاره یې ځانګړي امنیتي تدابیر نیولي.

دوی زیاتوي، دا ګامونه یې د ګزمو او پلټنو په ډول د جنايي جرمونو په ځانګړي ډول د غلاو د مخنیوي لپاره اخیستي.

د مسوولینو په خبره، د ولایت مقام د امر پر اساس یې ۱۵ تنه هغه امنیتي کسان نیولي او وسلې یې ترې ضبط کړي،چې په شخصي جامو کې یې وسلې ګرځولې.

دغه راز مسوولین وايي، د خلکو د شکایتونو پر بنسټ یې د پلاسټیکي وسلو او پټاکیو پر پلور هم سخت بندیز لګولی دی.