Skip to content
ټاکل شوې وه،چې د چهار شنبې پر ورځ د « ۱۴۰۱ کال د وري پر ۲۴ مه» د چين د مرستو شویو بشري مرستو زرو کورنيو ته خوراکي توکې ووېشل شي،خو د کابل کډوالو چارو مشر عبدالمتین رحیم زی وايي، د راغلو له ۱۰ زرو زياتو کورنيو شتون هغه څه وو،چې يادې مرستې له ځنډ سره مخ کړې.
رحیم زی وايي، دغه مرستې پر مستحقینو ویشي او پلان یې درلود،چې په زرو کورنيو یې توزیع کړي خو د تمې خلاف دلته زرګونه اضافي کورنۍ راغلي دي.
رحیم زي زیاته کړه:« په همدې اړه نن ورځ زموږ پلان وو، چې د زرو کورنيو وروڼو او خويندو ته خوراکي مواد توزيع کړو،خو متاسفانه نن ورځ د خويندو شمير ښايي لس زرو کورنيو ته رسيږي. دا ستونزمنه نه ده. موږ ژمن يو،کوم کانټينرونه چې تاسې يې ګورئ، له خوراکي موادو ډک دي او ان شاالله ټولو خويندو ته به ورسيږي»
رحیم زی وايي،هره اوونۍ له ۵۰۰ نه تر۵۰۰۰ کورنيو ته خوراکي توکې ویشي.
دغه راز رحیم زی وايي، د مرستو په نننۍ پروسه کې هرې کورنۍ ته ۵۰ کليو وريجي ورکول کيدې، خو د زياتې ګډوډۍ له امله ياده پروسه وځنډیده او هیچا مرسته ترلاسه نه کړه.
هغه زیاته کړه:« نن په دې مرستو کې يوازې ۵۰ کيلو وريجي دي، هغه وريجي چې د چين دولت له لورې مرسته شوي دي. نن ورځ هرې کورنۍ او خويندو ته ۵۰ کليو وريجي ورکول کيږي.»
دغه مرسته د چين د مرسته شویو بشري مرستو درېيمه جوپه ده،چې هيواد ته رارسيږي. په هېواد کې بېکاري،ناسم اقتصادي وضعيت او د نرخونو لوړوالی هغه څه دي،چې میلیونونه افغانان یې بشري مرستو او لاسنیوي ته اړ کړي دي.
