د شپږو ولایتونو د رایو بیا شمېرنې او تفتیش پایلې د ټاکنو مرکزي کمیسیون ته رسیدلي.
په پنځلسو ولایتونو کې د رایو بیا شمیرنه او تفتیش پایته رسېدلی او په دولس نورو ولایتونو کې د رایو بیا شمېرنه دوام لري.
د هېواد په شمال کې د ۷ ولایتونو دفترونه د اعترا ض کوونکو له لوري تړل شوي او بیا شمیرنې په کې نه کیږي .
په کابل کې بیا د یولس سوو محلونو پنځه اویا سلنه رایو بیا شمیرنه او تفتیش بشپړ شوی دی.
کندز ، سمنګان ، میدان وردګ ، هرات ، غور ، دای کندي ، بامیان ، نمیروز ، بادغیس ، لغمان ، سمنګان ، لوګر ، بلخ او کنړ هغه ولایتونه دي چې پکې د رایو د بیا شمېرنې او تفتیش لړۍ پایته رسیدلې او په دولس ولایتونو کې دغه بهیر روان دی.
د ټاکنو کمیسیون کمیشنر اورنګزیب داسې وویل (( په پنځلس ولایتونو کې د رای بیا شمیرنې او تفتیش پروسه تکمیل شوې ده، په دولس ولایتونو کې جریان لري، هغو نوماندانو چې اعتراض کړی او د دغه بهیر سره یې مخالفت ښودلی خبرې ورسره روانې دي تر څو قناعت ورکړو او له پروسې څارنه وکړي.))
د شپږ ولایتونو د رایو د بیا شمېرنې او تفتیش پایلې په کابل کې د ټاکنو مرکزي کمیسیون ته رسېدلي او د څلورو نور دانټیک چارې روانې دي چې له هغې وروسته به مرکزي ډیټا ته پورته شي .
کابل کې د نورو ولایتونو په پرتله د رایې زیات محلونو بیا شمیرنې ته تللي چې د چارواکو په خبره راتلونکو دوه ورځو کې به یې کار پایته ورسېږي.
له بل لوري بیا ځینو ټاکنیزو ټیمونو د بیا شمیرنې له بهیر سره پریکون کړی او له کمیسیون یې د دغه بهیر د دریدو غوښتنه کړې ده .
