Skip to content
پر بشر حقونو د څار ډلې راپور ورکړی دی، چې په بلغاریا هېواد کې له افغان کډوالو سره بد چلن روان دی.
راپور کې ویل شوي، داسې شواهد یې موندلي،چې بلغاریايي پولیس له ترکیې سره پر ګډه پوله افغان کډوال نیسي، له هغوی پیسې اخلي او په سپیو یې شکنجه کوي.
دغه راز راپور کې وړاندې ویل شوي، دغه کډوال بیا پرته له دې چې قضیه یې وڅېړل شي،له غیر رسمي اسنادو سره ترکیې ته راستول کیږي.
پر بشر حقونو د څار ادارې له بلغاریايي پولیسو غوښتي دي،چې له کډوالو او پناه غوښتوونکو سره له دا ډول بد چلن لاس واخلي او دا کار یې سخت غندلی دی.
اخوا یو شمیر افغان کډوالو هم په بلغاریا کې له ورته چلن شکایت کړی او ادعا یې کړې،چې پولیسو پر سپیو داړلي دي او څه چې ورسره وو، ټول یې ترې اخیستي دي.
