پروان ولایت کې د سېلابونو د راوتلو له امله ۴۵ کسان مړه شوي او لسګونه کورونه وېجاړ شوي.
د پروان عامې روغتیا مشر، صفي الله وارسته وايي، د تېرې شپې د سېلابونو له امله د مړو شمېر ۴۵ او د ټپیانو شمېر ۸۰ ته رسېدلی دی.
د پروان ولایت حوزوي روغتون مشر قاسم سنګین بیا وايي، اټکل کېږي چې د مړه شویو کسانو شمېر نور هم لوړ شي.
د سیلابونو د راوتلو له کبله د کابل او شمالي ولایتونو لویه لار چې په پروان تېرېږي د ټرافیک په مخ تړلې شوې او سلګونه موټر په دغې لاره کې بند پاتې دي.
ارګ وايي، ولسمشر غني اړوندو ادارو ته سپارښتنه کړې چې له هغو کورنیو سره دې مرسته وکړي چې د سېلابونو له امله اغېزمن شوي دي.
ارګ وايي، د مالوماتو له مخې پروان کې د سېلابونو له امله ۳۰ تنه مړه شوي، ۲۰ ټپیان دي او ۳۰۰ کورونه ویجاړ شوي دي.
