د پاکستان پلازمېنه اسلام اباد کې او یو شمېر نورو ښارونو کې له تېرې شپې راهېسې، د پارلمان له لوري د لومړي وزیر عمران خان له ګوښه وروسته جشنونه پیل کړي دي.
پرون شپه د پاکستان پارلمان کې لومړي وزیر عمران خان ته د نه باور رایه وکارول شوه او هغه یې له دندې ګوښه کړ.
عمران خان او د تحریک انصاف ګوند یو شمیر نور لوړپوړي غړي له واکه د لرې کیدو سره سم ممنوع الخروج هم اعلان شوي دي.
ویل کیږي،چې تر دې دمه د اپوزیسیون له لوري شهباز شریف ډېرې رایې لري،چې د لومړي وزیر په توګه به وټاکل شي.
دا پرېکړه داسې مهال کېږي،چې په پاکستان کې لا هم د کړکېچ د پراختیا احتمال شته دی، ښارونو نظامي بڼه غوره کړې ده، پر هوایي ډګرونو بندیز لا هم پر خپل ځای دی او امنیتي ځواکونو ته د تیارسۍ امر شوی دی.
