پاکستان: نړۍ دې افغانستان په رسمیت وپېژني

د پاکستان د لومړي وزیر عمران خان له دفتره په خپره شوې خبرپاڼه کې لیکل شوي، چې عمران خان د هالنډ له لومړي وزیر سره په ټیلیفوني خبرو کې ویلي، نړۍ باید افغانستان په رسمیت وپېژني، ځکه باثباته افغانستان د پاکستان سربېره د ټولې سیمې په ګټه دی.

عمران خان ویلي، نړۍ دې افغانستان په رسمیت وپېژني، چې هر څه ژر د دولت جوړونې او اقتصادي برخه کې پرمختګ وکړي.

تر دې وړاندې یو شمېر هېوادونو ویلي وو، چې دوی د افغانستان وضعیت څاري او د ښه کېدو سره سم به یې د رسمیت پېژندلو لپاره اقدام وکړي.