هغه زیاته کړې:« په ډیریو هېوادونو کې انقلابونه نه لکې بدلونونه رامنځته کیږ ي او دلته د طالبانو واک ته رسیدل هم همداسې یو څه و،چې د تاوتریخوالي له لارې ورسیدل. د دې ترڅنګ دا چې د طالبانو ډېری مشران د ملګرو ملتونو امنیت شورا په تور لست کې دي او موږ ورسره مخامخ کار نه شو کولی. هغه پالیسۍ،چې دوی یې عملي کوي،د ثبات زیانمونکي دي.»
پاولز وايي،دا یو واقیعت دی،چې اوس مهال ټول افغانستان باندې د اسلامي امارت واکمني ده او په کار ده،چې موږ له اسلامي امارت په سمه مانا وپېژنوو او له هغې وروسته یې رسمیت پېژندنې پړاو ته داخل شو.
پاولز زیاتوي:« اړتیا ده،چې موږ او طالبان یو بل په سمه مانا وپیژنو. طالبانو یوه پوځې مخالفه ډله وه،چې ځینې وخت یې کړنې ترهګریزې وې،خو نن دوی به واک کې دي. موږ دوی پر رسمیت نه پیژنو،خو دا منو،چې دوی دلته دي او واک ورسره دی.»
د نجونو پر وړاندې د ښوونځیو بندیدل هغه موضوع ده،چې پر کوردننه او بهر یې اسلامي امارت له سختو نیوکو سره مخامخ کړی، پاولز د دې پوښتنې په ځواب کې،چې اسلامي امارت تر دې دمه د نجونو پر وړاندې د ښوونځیو پرانېستلو په اړه کوم ښکاره او قناعت کونکی ځواب درکړی او که نه؟ وویل:« موږ تر اوسه پورې له طالبانو هېله بښوونکی ځواب نه دی ترلاسه کړی. طالب چارواکي تل وایي،چې د زده کړو پلوي ول او ژمنه کوي، چې د نجونو ښوونځي به ژر پرانېستل شي او دا ژمنې له تېرو لسو میاشتو راهیسې کیږي. اوس ټوله نړۍ د دې ژمنې عملي کولو ته په تمه ده.»
نړۍ او په ځانګړي توګه اروپايي ټولنې وار په وار افغانستان کې د نجونو د زده کړو، ښځو حقونو او بیان ازادۍ باندې تینګار کړی او پر اسلامي امارت یې نیوکه کړې، چې تېر یوه کال واکمنۍ کې یې دا برخې اغېزمنې کړي.
