د امریکا بهرنیو چارو وزیر، مایک پامپیو وایي، روان بین الافغاني مذاکرت به سخت وي.
پامپیو امریکا کې یوې ناستې ته ویلي، تېرو شلو کلونو کې په لومړي ځل افغانان یو بل سره خبرو ته ناست دي ترڅو د راتلونکي افغانستان په تړاو پرېکړه وکړي.
پامپیو وویل، “اوس مهال د لومړي ځل لپاره په شلو کالو کې، افغانان یو ځای ناست دي چې د سوله ییز افغانستان د څرنګوالي په اړه بحث وکړي.”
له دې سره تاکل شوې چې نن بیا د افغان حکومت او طالبانو د مذاکراتي پلاوو تماس ډلې د بین الافغاني خبرو څرنګوالي په تړاو خبرې وکړي.
افغان حکومت وايي، طالبانو ژمنه کړې چې اوربند به د بین الافغاني خبرو مهمه برخه وي.
د امریکا بهرنیو چارو وزیر دغه څرګندونې داسې مهال کېږي چې د افغان سولې لپاره د امریکا ځانګړی استازی له پاکستان وروسته هند ته تللی دی.
خلیلزاد پاکستان د پوځ له مشر جنرال قمر جاوېد باچوا سره کتلي دي.
خلیلزاد همداراز نوې ډېلي کې د هند د بهرنیو چارو وزیر او نورو چارواکو سره پر افغان سولې خبرې کړې دي.
