د ثبات او همپالنې ټیم ادعا کړې، چې د ډیجیټلي مرکز د دروازو قلفونه مات شوي دي.
په ټاکنو کمېسیون کې د دیجیتلي مرکز دروازې قلف مات شوی چې اندیښنې او غبرګونونه یې راپورته کړي.
د کمېسیون یو کمېشنر هم دغه موضوع تایید کړې او اندېښنه ښيي چې کمېسیون دننه کې هیڅ امنیتي خوندیتوب نشته.
ثبات او همپالنې ټیم د قلفونو په ماتولو کې دولت ساز ټیم مسؤول ګڼي، خو دولت ساز ټیم بیا دا ادعا د وخت ضایع او بې ځایه تورونه ګڼي.
په همدغې ودانۍ کې د دیجیتلي مرکز تر څنګ ۲۳۰۰ قرنطین شوي بایومټریکې آلې هم تر ارزونو لاندې دي.
د ټاکنو کمېسیون د دې کمېنشر نه به غیر نور مسولین په دې برخه کې خبرو ته حاضر نشول .
مولانا عبدالله د کمېسیون له امنیتي وضعیت څخه سخت شکایت وکړ او مات شوي قلفونه هم له همدې موضوع سره تړلي.
د ثبات او همپالنې ټیم بیا په جلا خبري ناسته کې په دې مسله جدي اندېښنه ښودلې او تور یې پورې کړی چې کمېسیون کې پولیسو دغه کار د دولت جوړونکي ټیم په لارښوونه کړی دی.
کورنیو چارو وزارت دغه ادعا په کله ردوي او وايي، امنیتي ځواکونه د کمېسیون د امنیت ساتنې لپاره مصروف دي او د کمېسیون په هیڅ حساسه برخه کې ځای په ځای شوي نه دي.
د دولت جوړونکي ټیم استازی داوود سلطانزوی شوې ادعاوې بې ځایه ګڼي چې ګنې ځینې ادرسونه هڅه کوي په غلطو ادعاوو سره د روانې پروسې په وړاندې خنډ او ځنډ رامنځته کړي.
ټاکل شوې وه د دوشنبې په ورځ ټولې بایو مټریکي پایلې عمومي سرور ته ولیږدول شي خو را پورته شوې لانجه بیا د کار د ځنډ سبب شوې.
ټاکنو کمېسیون مسولین بیا تر اوسه د پایلو ځنډ په مبهم حالت کې ساتلي او نشي ویلی چې ځنډیدلې لومړنۍ پایلې به کله اعلان کړي.
