Skip to content
د افغانستان لپاره د امریکا متحده ایالتو ځانګړي استازي توماس ویسټ ویلي، د خپلو ټولو اندېښنو په اړه یې له طالبانو سره پرېکنده خبرې کړې دي.
وېسټ پر خپله ټویټر پاڼه لیکلي، له طالبانو سره په کتنو کې یې په راتلونکي وري یا حمل میاشت کې د ښوونځیو د بیا پیل پر چمتووالي، امنیتي وضعیت، له ترهګرۍ سره پر مبارزې او د خپلسرو نېونو د درېدو او نورو موضوعاتو بحثونه شوي دي.
هغه ویلي، یو څرګند پیغام یې اورېدلی دی،چې نړیواله ټولنه باید افغانستان کې ښکېله پاتې شي.
نوموړي زیاته کړې،دوی د بانکي سکټور، د اسعارو پر وړاندې د اوسنیو ستونزو د اواري او د بشري او لومړنیو مرستو په تړاو هم بشپړې خبرې کړي دي.
