د ولسي جرګې غړي له کرونا ویره لري خو خپلې ناستې نه بندوي.
د ولسي جرګې غړي وایي، په دې اساسو شرایطو کې ولس د دوی مرستې ته اړتیا لري او خپلو ناستو ته به دوام ورکړي.
د جرګې غړي وایي، زیات کار به یې په کمیسیونونو کې وي خو په اونۍ کې به یوه عمومي ناسته ولري.
د عامې روغتیا وزیر د ولسي جرګې عمومي ناستې د کرونا وایرس دخپرېدو لپاره زمینه سازي یادې کړي او غونډې یې د روغتیایي بحران د رامنځ ته کیدو لامل یادې کړي .
خو د ولسي جرګې یو شمېر غړي بیا وایي، دوی د خلکو استازي دي او په داسې بد وضیعت کې ولس یوازې نه شي پریښودای.
د جرګې ځینې نور غړي وایي د حکومت پر کړنو یې د څار لپاره خپلې ناستې نه دي بندې کړي او که وضیعت له دې بدتر شي بیا به یې په تړاو پریکړه وکړي.
تردې مهاله په ټول هیواد کې له نهه سوو زیات کسان په کرونا وایرس اخته شوي دي.
ددغه وایرس دخپریدو دمخنیوي لپاره د عامې روغتیا وزارت یوه لارښوونه داده چې باید له ګڼې ګوڼې جوړولو ډډه وشي خو ملي شورا خپلو ناستو ته دوام ورکړی.
