د ولسي جرګې یو شمېرغړو نن امتیازي ساعت کې د افغان سولې له پاره د امریکا متحده ایالتونو د بهرنیو چارو وزارت ځانګړی استازی زلمی خلیل زاد تورن کړ، چې د افغان سولې له پاره د امریکا سیاسي ماموریت پر ځای د جګړو او تاوتریخوالي زیاتېدو په لټه کې دی.
ولسي جرګه کې د کابل د خلکو استازي الله ګل مجاهد وویل، خلیل زاد په دې لټه کې دی،چې افغانستان د کورنۍ جګړې پر لور بوځي.
د مجاهد وړاندیز دا وه،چې وکیلان دې شل کسیزه پلاوی جوړ او له طالبانو سره مخامخ خبرو له پاره دې چمتووالی ونیسي.
وکیلانو ټینګار وکړ،چې نړیوال دې هم په افغانستان کې د جګړې د کمولو له پاره هڅې وکړي او نړیوال بنسټونه دې هم په دې برخه کې خپلې همکارۍ ډېرې کړي.
