ولسمشر غني وایي، تعرفې باید بدلون ومومي، د نویو موټرونو تعرفه کمه او د زړو هغو څو برابره زیاته شي.
نن له غرمې مخکې اشرف غني د ټرانسپورټ وزارت رهبري او مسوولینو سره کتلي او ویلي یې دي چې پر موټر چلوونکو د کار قانون تطبیق سره به د افغانستان موټر په سیمه کې حرکت وکولای شي.
ولسمشر ویلي، تشکیلات باید د کیفیت پر اساس او افغانستان شموله وي.
هغه اترا ادارې ته لارښوونه کړې چې ټول سیستم وارزوي
ولسمشر غني وایي، اطلاعات باید هره ورځ راټول او د ټولو په اختیار کې ورکړل شي او دغه راز یې ټینګار کړی چې ترانسپورټي اتحادیې باید په شرکتونو بدلې شي، ځکه په خبره یې له ټرانسپورټي شرکتونو پرته د بیمې سیستم نشي پلې کېدای.
