ولسمشر اشرف غني د یو حکم له مخې د ماليې وزیر عبدالهادي ارغندیوال له دندې ګوښه او پر ځای یې محمد خالد پاینده سرپرست ټاکلی دی.
د چارو اداره وايي چې ولسمشر اشرف غني عبدالهادي ارغندیوال، د مالیاتو نه راټولولو، په دغه وزارت کې د غیر قانوني ګمارنو د څېړنو لپاره ګمارل شوي هیأت سره د نه همکاری ، کمزوري مدیریت، د ښې حکومتوالۍ لپاره نه ژمنتیا او د اساسي قانون د ۷۷ مادې نه منلو له امله له دندې ګوښه کړ.
ولسمشر همداراز د یو بل حکم له مخې محمد خالد پاینده د ماليې وزارت د سرپرست په توګه ټاکلی دی.
