ولسمشرۍ ته نوماندانو یو وار بیا د سرپرست حکومت غوښتنه وکړه.
که د جوزا له لومړۍ نېټې وروسته ولسمشر غني د سرپرست په توګه خپل کار ته دوام ورکوي له نوماندۍ دې تېر شي.
د ولسمشریزو ټاکنو دولس ټاکنیزو ټيمونو ګډ کنفرانس کې یو ځل بیا د سترې محکمې هغه پریکړه وغندله چې د ولسمشر د واک موده یې غځولې ده.
دا ټیمونه وايي، که ولسمشر له واک لیرې نه شي او کار ته دوام ورکړي، د بدو عواقبو مسوولیت به یې هم په غاړه وي.
ارګ بیا د سترې محکمې پریکړه قانوني یادوي چې اساسي قانون یې تفسیر کړی او اشخاص او ګوندونه نه شي کولای دا پریکړې په خپل مسیر او خوښه تفسیر کړي.
ولسمشرۍ ته دولس ټاکنیزو ټیمونو یو ځل بیا د جوزا له لومړۍ نيټې وروسته د حکومت کاري موده ناقانونه وبلله او هغه پریکړه یې د قانون خلاف بللې چې سترې محکمې د ولسمشر واک پکې غځولی دی.
د سولې او اعتدال ټيم په ګډون یوولس ټیمونه د سرپرست حکومت غوښتنه کوي چې په راس کې به یې ولسمشرۍ ته نوماند کس نه وي.
سرپرست حکومت سره ډير مخالفتونه هم شته چې لوی مشورتي جرګه يې هم یادونه شوې وه، ویره دا ده چې دا ډول حکومتونه افغانستان کې ښه پایله نه ورکوي، خو د سولې او اعتدال ټیم مشر وايي، سرپرست حکومت سره هیڅ ستونزه نه پيدا کیږي.
ارګ بیا د سترې محکمې پریکړه قانوني یادوي چې اساسي قانون یې تفسیر کړی او اشخاص او ګوندونه نه شي کولای دا پریکړې په خپل مسیر او خوښه تفسیر کړي.
د سرپرست حکومت طرحه وروسته له هغې راپورته شوه چې ټاکنې له خپلې ټاکلې مودې وځنډیدلي، اوس ځینې ټيمونه فکر کوي چې ولسمشر خپله نوماند دی او په واک پاتې کیدل یې یو ځل بیا د بري چانس ډيروي.
