کرونا سره مبارزه افغان حکومت ته لومړیتوب لري او لومړني تدابیر نیول شوي دي.
ولسمشر غني په یو ویډیوي پيغام کې له افغانانو وغوښتل چې د روغتیا وزارت سپارښتنې عملي کړي او په کورونو کې پاتې شي.
ولسمشر غني وویل، زموږ هڅه دا ده چې په بنسټيزو او واقعي تدابیرو سره یادې ناروغۍ سره مبارزه وکړو څو دریم پړاو چې د فلاکت مرحله ده له ورتلو مخنیوی شوی وي.
ولسمشر غني له هغو سوداګرو او مرستندویه بنسټونو مننه وکړه چې بې وزلو سره یې مرسته کړي دي.
جمهور رییس له افغانانو وغوښتل چې ناهیلي کېږي دې نه او د افغان حکومت هڅه دا ده چې په دغه سخت وضعیت کې د خلکو ستونزې حل کړي او رسیدګي ورته وکړي.
ولسمشر په خپل پيغام کې وویل ټاکل شوې ډېر ژر د نانوايانو، جوماتونو، ولسوالیو شوراګانو او نورو نهادونو له لارې بې وزله خلکو ته د ډوډۍ او نورو خوراکي توکو رسول پیل شي.
افغانستان کې تر اوسه نږدې یوولس سوه د کرونا مثبتې پېښې ثبت شوي شپږ دېرش تنه مړه شوي او کابو دوه سوه رغېدلي دي.
