په افغانستان د اسلامي د بیا ځلي واکمنېدو وروسته د افغانستان او هند اړیکې څه نا څه ټکنۍ شوې خو تازه د دغه هېواد بهرنیو چارو وزارت له افغانستان سره د دوامداره همکاریو ژمنه کړې.
د هند بهرنیو چارو وزارت ویاند رنډیر جیسوال یوه خبري کنفرانس کې ویلي، هېواد یې پخوانیو اړیکو ته په کتو له افغانستان سره هر ډول همکاري کوي او پر همدې اساس یې افغانانو ته د وېزو ورکولو پریکړه کړې.
هغه زیاته کړې:« لکه څنګه چې تاسو پوهیږئ، موږ د افغانستان له خلکو سره تاریخي اړیکې لرو، له څو کلونو راهیسې مو بشري مرستې ترسره کړي. موږ له افغانانو سره دې مشارکت ته دوام ورکوو. د وېزو د زیاتوالي په اړه زه دقیق شمیر نه لرم، خو په افغانستان کې خلکو ته وېزې ورکول کېږي او د تګ او راتګ چارې روانې دي.»
د سیاسي چارو یو شمېر کار پوهان له هند سره د سرپرست حکومت د اړيکو تېنګښت د هېواد پر ګټه بولې او په باور يې دا هېواد کولی چې له افغانستان سره په سياسي او سوداګریزه برخه کې اغېزمنه همکاري وکړي.
د سیاسي چارو کارپوه معین ګل څمکنی وايي:« هند په سیمه کې یو لوی قدرت دی، دوی هر وخت پر سیمه باندې اغیز لري، هغه که مثبت وي او که منفي وي، نو په دې وروستیو کې هند هم د چابهار بندر د پرانیستلو او جوړولو لپاره یې پانګونه کړې، ترڅو دوی( هند) منځنۍ آسیا او افغانستان ته خپله سوداګریزه لاره پرانېزي، ترڅو دلته د چین او روسیې اغیز کم کړي.»
ځېنې نور بیا وايي، سر پرست حکومت ته په کار ده، چې د هند په څير هېوادنو سره د غور تعامل لپاره اقتصاد محوره پالیسي عملي او دغه رزا د دواړو هېوادونو ترمنځ رامنځته شوي فرصتونه بايد ضايع نه کړي.
تمې دادي، چې له هند سره د سیاسي او اقتصادي اړيکو پیاوړتيا له لارې به افغانستان توانيږي، چې د سيمې هېوادونو باور ترلاسه او له نورو هېوادونو سره هم ورته اړيکو او تعامل ته لاره پیدا کړي.
