هند به نږدې راتلونکي کې کابل کې ديپلوماتیک فعالیت پیل کړي

هندوستان تایمز ورځپاڼې د هند د بهرنیو چارو وزارت د سرچینو له قوله لیکلي چې نوي ډهلي په کابل کې خپلې ټولې ارزونې ترسره کړې او د سفارت پرانیستلو ته نږدې شوي‌ دي.

یادې ورځپاڼې ته سرچینې ویلي، چې دوی به خپل دیپلومتیک فعالیت پيل کړي‌ او ډېر ژر به کونسلې چارې هم بېرته فعاله شي. 

تر دې وړاندې د هند د بهرنیو چارو وزارت هم ویلي‌ وو چې دوی په افغانستان کې وضعیت له نږدې ارزولی دی،‌ سفارت او پروژې یې خوندي‌ دي او له افغان حکومت سره تعامل ته تیار دي. 

کابل ته له هند راغلي پلاوي ډاډ ښودلی و چې هېواد به یې په دې سختو شرایطو کې د افغانانو لاسنیوی وکړي.